Әуезхан Қодар

ҚОДАР ӘУЕЗХАН (1958 – 2016)

12 маусымда Қызылорда облысы Қармақшы ауданы Қармақшы кеңшарында туған. 1982 жылы Қазақ мемлекеттік университетінің заң факультетін бітірген. 1

982 – 85 жж. Қызылорда облысы Қармақшы ауаткомы жасөспірімдер жөніндегі комиссияның хатшысы, заңгер; 1985 жылдан бері республикалық және одақтық баспасөзде жариялана бастайды. 1986 жылы республикалық шығармашылық жастар, «Жігер» фестивалінің лауреаты.

1989 – 94 жж. Көркем аударма және әдеби байланыстар жөніндегі редакциялық бас алқасында орыс бөлімінің меңгерушісі, 1994 жылдан Қазақстан халықтарының мәдениетін қорғау жөніндегі «Алтын ғасыр» қоғамдық бірлестігінің президенті, 1995 – 97 жж. М.О.Әуезов атындағы Қазақ академиялық драма театры көркемдік кеңесінің мүшесі, 1999 жылдан «Тамыр» журналының бас редакторы болды.

1997 – 98 жж. Неміс театр академиясында философия тарихынан сабақ берді. 1999 – 2001 жж. Сорос-Қазақстан халықаралық қорының басқарма мүшесі болды. Философия ғылымдарының кандидаты.

Қазақ және орыс тілінде жазған. «Туған күн», «Ақеділдің анты» пьесаларының (1986), «Қанатты өрнек» (1990), «Абай (Ибраһим) Құнанбаев» жинағының (1996), «Еске алмау шеңбері» (1998), «Қазақ әдебиетінің тарихына шолу» (1999) кітабының, «Қанағат қағанаты» жинағының (1994) авторы. Орыс тіліне Абай, Мағжан, Ж.Жақыпбаевтың шығармаларын аударған. Қазақ тіліне Е.Замятиннің «Аттила» драмасын, М.Хайдеггер мен Х.Гасеттің философиялық жұмыстарын, К.Швиттерстің өлеңдерін аударған. «Батыс философиясы антологиясының» авторы және ұйымдастырушысы. «Астана» медалімен марапатталған (1998). ««Парасат» орденінің иегері (2006)