Жұбан Тасар

Басты бет

Авторлар

Жұбан Тасар

ЖҰБАН ТАСАР

Айтыскер ақын Жұбан Тасар 1937 жылы 15 наурызда Ақтөбе облысы Байғанин ауданында туған. Алматы кооператив техникумын бухгалтер-экономист мамандығы бойынша тәмамдаған.Еңбек жолын Байғанин аудандық тұтынушылар қоғамында бухгалтерліктен бастаған. 1965-1970 жылдары аралығында аудандық, Ақтөбе облыстық ақындар айтысына қатысқан.1968 жылы Қазақ поэзиясының Қарақалпақстандағы Күндеріне қатысып, оның өлеңдері сол елдің арнайы жүлдесімен аталып өтілген.

Маңғыстау обысына қоныс аударып, 1975-1997 ж. «Жетібайнефть» МГӨБ Жұмысшыларды жабдықтау бөлімінің бас бухгалтері, «Маңғыстаусельстрой» тесінде ревизор, «Маңғыстауаудит» акционерлік қоғамында аудит болып істеген. Қалалық, облыстық ақындар айтысының жүлдегері.Оның өлеңдері, публистикалық шығармалары республикалық, облыстық газеттерде жарияланған.

«Ұлан» газетінде ерте кезде Артығали деген баланың шетелде шахмат өнерін үйренгені жайындағы әңгімесі жарық көрген.

Есімі «Маңғыстау энциклопедиясына», «Қазақстанның электрондық энциклопедиясына» енгізілген.

«Менің елім» атты өлеңдер жинағы «Кітап» сайтында үздік кітаптар қатарында арнайы платформаға салынған.Бір топ өлеңдері «Маңғыстау ақын-жазушыларының 50 томдығына» енгізілген. Абайдың 175 жылдығында Қазақстан Ұлттық электрондық кітапханасымен Жұбанның «Абай – шың, бұлт ұялы, кеудесі күн», – деген өлеңі үздік өлеңдер қатарында аталып өтілген.

Ұзақ жылғы адал еңбегі мен шығармашылық жетістіктері үшін мемлекеттің «Еңбек ардагері» медалімен, шығармашылық табыстары мен мемлекеттік тілді дамытудағы жетістіктері үшін Маңғыстау облысы әкімдігінің Алғыс хатымен және Ақтау қаласы әкімінің Алғыс хатымен марапатталған.

Ол ұзаққа созылған ауыр науқастан 2014 жылғы 9 шілдеде қайтыс болған.