Рухы күштілер
Алапат соғыстың от пен жалынына оранған КСРО-ның еуропалық бөлігіндегі ұлы айқаста өзге ұлт өкілдерімен қатар қазақ сарбаздары мен сардарларының да ерекше көзге түскені әлем жұртшылығына мәшһүр. Олар сол кездегі ортақ Отанымыздың астанасы Мәскеу мен Сталинградты жаудан қорғап, Берлинге дейін барды, Рейхстагқа алғашқылардың бірі болып ту тікті. Фашизмді түбегейлі тізе бүктіру үшін Квантун армиясын Қиыр шығыстан түре қуып, Тынық мұхиты жағалауына дейін жетті.
