Жақан СМАҚОВ
* * *
Әй Тастайсал, Тастайсал,
Өлеңінде бастай сал!
Бастамасаң, Тастайсал,
Бізге қарай тастай сал!
* * *
Әппақ қақпақ әппақ па,
Сатпақ қақпақ әппақ па?
Әппақ қақпақ әппақ та,
Сатпақ қақпақ сатпақ та!
* * *
Қара майын қарағайдың,
Қаламаймын, жаламаймын.
Қолы қатты қара ағайдың,
Қасына енді жоламаймын!
* * *
Ақ шар бар,
Көк шар бар,
Көп шар бар,
Бес шар бар.
* * *
Ықылық қалды тұтылып,
Түйілдім қатты тұтығып.
Ықылық қалды тұтылып,
Сытылып шықтым, құтылып.
* * *
Жалтылдаған жалтырға шығып,
Жалп ете түстім жалтарып.
Жағада жатыр ек,
Жақыпбек жақын кеп:
«Жаңылды шақыр деп
Жатыр» , – деп,
Жомартты нұсқады.
Кім барды,
Кім қалды?!
Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. adebiportal@gmail.com 8(7172) 57 60 14 (ішкі - 1060)
Мақала авторының көзқарасы редакцияның көзқарасын білдірмейді.
