Жақан СМАҚОВ
***
Тышқан, бірақ құлпырған,
Терісі қандай көрікті.
Көресің де сыртынан,
Аласын еске бөрікті.
«Суыр» дейсің біреуің,
«Сусар» дейсің біреуің,
«Су тышқан» дейсің біреуің.
Шешуі оңай, қолда тұр:
Дейсің бірің – «ондатр».
Пайда қандай айтыстан,
Айтыңдар мынау қай тышқан?
(құндыз)
***
Орманды жер тұрағы,
Бірін-бірі құрылдап,
Тақыршықтан қуады,
Жұлысады жүндерін,
Түсінбедім тілдерін,
Осы қай құс балалар,
Айтыңдаршы білгенің?
(құр)
***
Аша тұяқ, асқан жүйрік,
Орман, тоғай мекені.
Бөкен танау, ешкі құйрық,
Бөгелмей нудан өтеді.
(бұғы)
***
Табиғат қалай қас қылған,
Төрт аяғы тең емес.
Бірақ жауы – қасқырдан.
Жүйріктігі кем емес.
Түнде ғана жортады,
Көлеңкеден қорқады.
Кетік ерін, қамыс құлақ,
Ұнатамын өзін бірақ.
(қоян)
***
Жолбарыстай жолақтанып,
Жойқын күшті ол бір алып.
Ақ қайран мен шабақтарға,
Түсті балық, жыртқыш балық.
Мінезінен жүр ғой бірақ,
Туыстардан бөлек қалып.
(шортан)
Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. adebiportal@gmail.com 8(7172) 57 60 14 (ішкі - 1060)
Мақала авторының көзқарасы редакцияның көзқарасын білдірмейді.
