Жақан СМАҚОВ
* * *
Шаң, тозаң, лас
Болмасын ...
(класс)
* * *
Жыртылып, жұтап,
Тұрмасын ...
(кітап)
* * *
Сумкадан іздеп,
Болма сен алаң.
Пеналда орнында
Жатсын ...
(қалам)
* * *
Жаныңнан, бәлкім,
Бәкі табылмас.
Ұштаулы болсын
Әрқашан ...
(қарындаш)
* * *
Сырғанақ тептің,
Айда тарт! – дедің,
Шана боп жүрмесін,
Қолдағы ...
(портфелің)
* * *
Суды құя, құя,
Сұйылып кетпесін ...
(сия)
* * *
Айналдым, қалқам,
Алқам, салқам –
Сынбасың ...
(партаң)
* * *
Балаға көшіргіш
Бермейік ...
(өшіргіш)
* * *
Дәптерді таза ұста,
Бәрінен де сол күшті.
Сондықтан балалар,
Жыртпайық …
(сорғышты)
Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. adebiportal@gmail.com 8(7172) 57 60 14 (ішкі - 1060)
Мақала авторының көзқарасы редакцияның көзқарасын білдірмейді.
