Жақан СМАҚОВ
***
Алшаң-алшаң басады,
Бірін-бірі көрсе,
Қаңқылдасады.
(Қаз)
***
Ылпың-жылпың мінезі,
Барып тұрған қу өзі.
Азығы – тышқан,
Көрсе тазыны,
Зытып пысқан.
Қар үстінде қызыл-ақ,
Құйрығы оның ұзын-ақ.
(түлкі)
***
Нелер биік ағаштарға қиын,
Секіріп шығар, ол не?
(тиін)
***
Жарғақ қарын, басы жалпақ,
Бұты талтақ,
Үсті салтақ.
Батпаққа аунайды,
Жаңбыр жауса,
Қуанады,
Уанады.
(бақа)
***
Жейтіні – дән, жапырақ,
Жастанары – топырақ.
Май берсе де, жер ме еді,
«Қандай тәтті» , – дер ме еді?
Бірақ, майды алдық та,
Салып қойдық сандыққа.
(тышқан)
Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. adebiportal@gmail.com 8(7172) 57 60 14 (ішкі - 1060)
Мақала авторының көзқарасы редакцияның көзқарасын білдірмейді.
