Имек-имек ине бар 12+

Жақан СМАҚОВ

                      ***

Бауда, бақта,

Саяда өседі.

Қыста жапырақ жамылған, 

Сабан төсегі.

Жазда балалар үзеді,

Әжем қыста шырын сүзеді.

                                                                   (жүзім)

                      ***

Алдымызда ақ тақыр,

Ақ тақырда із жатыр.

Кімнің басқан ізі екен?

Кездескен жан түсінген,

Ол іздерді түсірген,

Мені мен сен екенбіз,

Сіздер менен біз екенбіз.

                                                       (қағаздағы жазу)

                       ***

Сен қайда барсаң,

Сонда жүреді.

Үйіңді,

Атыңды,

Жөніңді,

Бәрін де біледі.

                                        (хат)

***

Имек-имек ине бар, 

Имек ине үйде бар. 

Суға саласың,

Балық аласың.

                                     (қармақ)

***

Аяғы жоқ жүреді,

Қанаты бар ұшпайды.

                                           (балық)

***

Ұя салған тұтқа, 

Көбелек пе, құрт па?

Құрт болса да, құртпа,

Керегі бар жұртқа.

                                              (тұт ағашына ұя салатын жібек құрт)