Мұзафар ӘЛІМБАЕВ
(Логогрифтер)
Құясың оған әрқашан
Қымызды мейір қанатын...
Дауыссыз дыбыс жалғасаң,
Класта оқу сағаты.
(Саба – сабақ)
***
Дүкенге барсаң қолда жүр.
Кереге көзді дорба бір.
«Т» әрпін қоссан соңына,
Тәп-тәтті тағам сонда бұл.
(Тор – т)
***
Біріншісі – пішеннің үйіндісі,
Үйіндінің малға сол тиімдісі,
«К» әрпін соған қоссаң
аралдарда
Жол сілтейді жолаушы адамдарға.
(Мая – к)
***
Буалдыр әрі бұлыңғыр,
Көрсетпес заттың түрін бұл...
Дауысты дыбыс жалғасаң,
Биіктен шолар тұғыр бұл.
(Мұнар – мұнара)
***
Ақылды сөзбін, бұйыммын –
Атадан саған бұйырдым.
Дауыссыз дыбыс жалғасаң,
Алдына қойған мақсатың,
Сонымен шығар жақсы атың.
(Мұра – т)
Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. adebiportal@gmail.com 8(7172) 57 60 14 (ішкі - 1060)
Мақала авторының көзқарасы редакцияның көзқарасын білдірмейді.
