Жақан СМАҚОВ
* * *
Қанатты құстан аумайды,
Бал ара мылтықсыз
Аулайды.
(көбелек)
* * *
Ауырмасын деп ойлап,
Отыз ақ боз атты
Күн сайын әкпен қоямын майлап.
(тісті порошокпен жуу)
* * *
Жүрісі бар, түрі жоқ,
Үні бар да, тілі жоқ.
Ұстатпайтын қашаған,
Жермен бірге жасаған.
(жел)
* * *
Үстінде орманы,
Суы бар.
Сені де, мені де,
Көтерген алыпты тауып ал?!
(жер)
* * *
Көлеңкесінен қорқып безектейді,
Ал оның баласын көжек дейді.
(қоян)
Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. adebiportal@gmail.com 8(7172) 57 60 14 (ішкі - 1060)
Мақала авторының көзқарасы редакцияның көзқарасын білдірмейді.
