Қожасы үйдің бір өзі 14+

Жақан СМАҚОВ

                                   ***

Алты, жеті жастан,

Қорған салдың тастан,

Отыз екі маржан тас 

Ол қорғанды жасаған,

Соны күткен әрбір жас

Ұзақ өмір жасаған. 

                                                                                              (тіс)

                                   ***

Қара үңгірде қара тас, 

Жанғанда, бетті қаратпас. 

                                                                                            (көмір)

                                                      ***

 Құлақтан тартсаң, ашылады,

Құлақтан тартсаң, жабылады,

Күнде тынымсыз сабылады,

Түнде ғана дамыл алады.

Білмесең іздеп көр  —

Өз үйіңнен табылады. 

                                                                                                (есік)

                                               ***

Қожасы үйдің бір өзі,

Қызық-ау бірақ мінезі.

Төрге барып жатпайды,

Тазалықты сақтайды.

Буған белін шешпейді,

Кір-қоқыспен өш дейді.

                                                                                           (сыпырғыш) 

                                             ***

Көмейден шығып тозаңы,

Көкке мойнын созады.

                                                                                            (түтін)