Құрылық айналасын су қоршаған 14+

                                                                                                                                     Мұзафар ӘЛІМБАЕВ

                                                            (Логогрифтер)

                      ***

Бойыңдамын әрқашан –

Біл күшімнің мығымын.  

Дауысты әріп жалғасаң, 

Қорытпаның бірімін.

                                (Қол – а)

                    ***

Спортшы болсаң білесің, 

Озғанның алар үлесін. 

«Д» орнына «Г» қойсан, 

Қайықпен суда жүзесің, 

Балық та, бәлкім, сүзесің.

                           (Жүлде –  жүлге)

                 ***

Өнеге жайын толғасаң,

Сол сөзді еске аласын, 

Бір әріп қосып, 

                    ойласаң, 

Сүртінер затты табасың.

                           (Үлгі – сүлгі)

                       ***

Қалың ағаш  –  бір алап, –  

Жап-жасыл боп жайнайды. 

«Р»-ды қоссаң сыналап, 

Құс болып та сайрайды.

                           (Тоғай  –  торғай)

                       ***

Құрылық айналасын су қоршаған, 

Қызық көп кезігетін содан саған. 

Алдына «М»-ны қоссаң,

                              табылады 

Тайганың бұғы тектес жануары.

                                    (Арал – Марал)