Сап құрып көкте самғайды
01.07.2023
1098
Жақан СМАҚОВ
***
Ай құшады, көк құшады,
Айдында аққу ұшады.
(көл)
***
Аузында ауы бар,
Суда жүзеді.
Балық сүзеді,
Бұл қандай құс?
Тауып ал!
(бірқазан)
***
Қонады суды сағалап,
Қамысты көлді жағалап.
Түбіртек шөпті паналап,
Ұшады жерді сабалап.
(қырғауыл)
***
Сап құрып көкте самғайды,
Айлар ұшса талмайды.
Жылытса жерді көктен күн,
Жаршысы осы көктемнің.
(тырна)
***
Құлағы бар құс болса да,
Тұрағы бар қыс болса да.
Қараңғы түнде жанғанда,
Көзі жарық шамнан да.
(үкі)
Материалды көшіріп жариялау үшін редакцияның немесе автордың жазбаша, ауызша рұқсаты
қажет және Adebiportal.kz порталына гиперсілтеме берілуі тиіс. Авторлық құқық сақталмаған
жағдайда ҚР Авторлық құқық және сабақтас құқықтар туралы заңымен қорғалады.
Байланыс: adebiportal@gmail.com 8(7172) 64 95 58 (ішкі – 1008, 1160)
Мақала авторының көзқарасы редакцияның
көзқарасын білдірмейді.
Бөлісу:
