Жақан СМАҚОВ
***
Аташым-ау, аташым,
Сазды жерге жатасың.
Суық тиіп қалды-ау деп,
Үйге келіп шешіндірсем,
Ұрпай-соқпай жылатасың.
(пияз)
***
Қызыл-қызыл, қызыл қыз!
Бұрымы неткен ұзын қыз.
Үйде ұйқыға батады,
Бұрымы сыртта жатады.
(сәбіз)
***
Доп сияқты өзі ғажап,
Үй көрдім бітеу алабажақ.
(қарбыз)
***
Жазда жатсаң,
Көлеңкесіне алады.
Қыста жатсаң,
Жаның рақат табады.
(ағаш)
***
Кішкене ғана сар балам,
Жазда ғана көсе еді.
Мұртына күзде таң қалам,
Лезде қалай өседі?
(бидай масағы)
***
Сүйемдей ғана бойы бар,
Тоғайдың қоңыр қойы бар,
Ағаштың түбі – тұрағы,
Көгендеулі тұрады.
Тауып ал да, сойып ал.
(қозықұйрық)
Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. adebiportal@gmail.com 8(7172) 57 60 14 (ішкі - 1060)
Мақала авторының көзқарасы редакцияның көзқарасын білдірмейді.
