Жақан СМАҚОВ
***
Темір жолы — тірегі,
Дүрсілдеп жүрегі,
Аспанға керілген,
Сымды ұстап жүреді.
(электровоз)
***
Үстінде сатысы, арқаны,
Су толған бөшкені артады.
Үстінде сауыты, қалқаны,
Адамдар осыған отырып,
Өрт шыққан жерге тез тартады.
Бұл қандай машина,
Кәне, кім айтады?
(өрт сөндіргіш машина)
***
Қос сымның бойымен көрінбей ағады,
Бар үйдің шамын ол бір сәтте жағады.
Жұмбағым жеңіл ме, оңай ма?
Кәне, кім табады?
(ток)
***
Ұртын толтырып,
Су бүркіп шашады.
Көшенің, жолдың
Шаңын басады.
Жүкті, адамды
Таси ма?
Жоқ…
Ендеше бұл қандай машина?
(су бүріккіш)
***
Түйе мойынды,
Айтқанды ұғады.
Біледі ойыңды
Тізгінін тартсаң,
Көтеріп тұрады,
Қанша жүк артсаң.
(жүк көтергіш кран)
Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. adebiportal@gmail.com 8(7172) 57 60 14 (ішкі - 1060)
Мақала авторының көзқарасы редакцияның көзқарасын білдірмейді.
