Жақан СМАҚОВ
***
Бақа тұмсық, балта бас,
Қанша жүрсе, шаршамас.
Бір-бірінен озбайды,
Күтіп кисең, тозбайды.
(бәтеңке)
***
Қараймын да, қараймын,
Қара шашым тараймын.
Оның да беті әппақ,
Менің де бетім әппақ.
(айна)
***
Теңізге салдым балықты,
Теңізге салған балықтың,
Құйрығы сыртта қалыпты.
(ожау)
***
Төрт құлағы бар.
Екеу емес, не біреу,
Сонда да ол,
Естімейтін меңіреу.
(қазан)
***
Асан, Үсен
Қой қоздатты.
Сол күні апам
Бауырдай қатты,
Қаймақтай тәтті,
Тамақ ойлап тапты.
(уыз)
Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. adebiportal@gmail.com 8(7172) 57 60 14 (ішкі - 1060)
Мақала авторының көзқарасы редакцияның көзқарасын білдірмейді.
