Жақан СМАҚОВ
***
Дені сау күшті де,
Мықты да , – дейді.
Кімде-кім етті,
Қолымен емес, сонымен жейді.
(шанышқы)
***
Ерінбей еңбек істеген,
Онсыз тамақ ішпеген.
(қасық)
***
Ол сенің тісің де,
Күшің де.
Онсыз өнбейді ісің де.
Нан кесілмейді онысыз,
Қарындаш ұшы шықпайды
онысыз.
Бірақ мықтайды, жұмсасаң
орынсыз!
(пышақ)
***
Сызылған жолға түседі,
Саған киім пішеді.
(қайшы)
***
Тісімен қант тістейді,
Онымен бірақ шәй ішпейді.
(қант қайшы)
***
Бұл не деген көп киім,
Жетпіс қабат көк киім.
Жаңбыр одан өтпейді,
Қабат-қабат тоны бар,
Түймелеуге жетпейді.
(капуста)
Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. adebiportal@gmail.com 8(7172) 57 60 14 (ішкі - 1060)
Мақала авторының көзқарасы редакцияның көзқарасын білдірмейді.
