Аманат
Қазақ поэзиясында сирек кездесетін сөз зергерінің бірі Мұқағали Мақатаевтың бұл жыр жинағына 2000 жылы Абай атындағы Қазақстан Мемлекеттік сыйлығы берілген еді. Қалың оқырман сұранысына орай, ақиық ақынның өлең кітабына лирикалық өлеңдері мен поэмалары топтастырылған. Жинаққа бұрын шыққан қос томдық пен үш томдықтарында жарияланбаған, кейіннен табылған аманат жырлары да енгізілген.
Қайталанбас құбылыстай жарқ етіп өте шыққан найзағай ақынның арда жырлары көңілі қаяу, санасы ояу бүгінгі оқырманын тағы бір серпілтіп тастары сөзсіз. Жинақ сөз қадірін сезінер қалың қауымға арналады.
