Ерлан Сатыбалдиев 1953 жылы 13 маусымда Алматы қаласында туған.
1975 жылы М.Горкий атындағы Әдебиет институтының аудармашылар даярлайтын бөлімін аяқтаған. Республикалық «Жазушы» баспасында редактор, «Жалын» баспасында аударма бөлімінің меңгерушісі, «Интербук» біріккен кәсіпорнының, «Өнер» баспасының директоры, Қазақ теледидары мен радиосы республикалық корпорациясының президенті болып қызмет істеген. Қазір «Мектеп» баспасының Бас директоры.
Қазақ жазушыларының шығармалары мен қазақ ауыз әдебиетінің бірқатар туындыларын орыс тіліне аударған.
Жамбыл атындағы халықаралық жүлденің иегері, Қазақ КСР Жоғарғы Кеңесінің Грамотасымен, Қазақстан Республикасының медальдарымен марапатталған.
