Сейдехан Көбей

Сейдехан Көбей (1928–1996) 8 қарашада Оңтүстік Қазақстан (бұрынғы Шымкент) облысы, Қызылқұм ауданы, Отырар ауылында дүниеге келген. 1959 жылы Қазақ мемлекеттік университетінің филология факультетін бітірген. Филология ғылымының кандидаты. 1943–1944 жж. «Социалистік Шәуілдір» газетінде хатшы, 1944–1945 жж. Оңтүстік Қазақстан газетінде әдеби қызметкер, 1943–1947 жж. Киров аудандық комитетінде нұсқаушы, 1948–1950 жж. «Победа» орта мектебінде мұғалім, газеттерде тілші, «Қазақ әдебиеті» газетінде бөлім меңгерушісі, Әдебиет және өнер институтында, кіші аға, ғылыми қызметкері болды. «Қазақтың Ұлы Отан соғысы кезіндегі халық поэзиясы», «Күрес пен жеңіс жырлары», «Оқ пен жыр» монографияларын жазды.

А.Якубовтың «Ұлықбектің қазынамалары», «Мухадас», Айбектің «Балалық шақ», Н.Фазыловтың «Түркістан әуендері», Н.Сафаровтың, Х.Гулямның, М.Мухсының шығармаларын қазақ тіліне аударған. «Ұлы Отан соғысы кезіндегі қазақ поэзиясы» деген тақырыпта кандидаттық диссертация қорғаған. Ұзақ уақыт Қазақ КСР ҒА-ның ғылыми қызметкері болып жұмыс істеді.

«Бақытқа кенелгендер», «Оқ пен ән» атты деректі повестердің авторы. «Пернедегі термелер» атты қазіргі қазақ поэзиясының антологиясын, Ж.Жабаев шығармаларының екі томдығын құрастырып шығарды.

«Құрмет Белгісі» орденінің және бірнеше медальдың иегері. ҚР еңбек сіңірген мәдениет қызметкері (1994).

Қайнар көз: http://writers.kz